~*~ TAB YAAD TUMHAIN MAIN KERTA HOON ~*~
Yoon be_kal be-kal lamhoon mein
Jab bojhal bojhal qadmoon sey
Sahil ki taraf main jata hoon
Tumhein saath mein aksar paata hoon
Jab aati jati maujon sey
be-rabt si baatein karta hoon
Tab yaad tumhein main karta hoon
Kabhi aadhi raat ko uth kar jab
Be-wajah tahla karta hoon
Ya apney kamrey ki khirki sey
Chaand ko dekha karta hoon
Aur uss ki thandi roshni ko
Ang ang mein samoya karta hoon
Tab yaad tumhein main karta hoon
Jab waqt k khooni panjoon sey
Main apna aap bachata hoon
Kar kar k yaad wo guzrey pal
Main pehron ask bahata hoon
Phir aankhoon k tootey taaron sey
Aanchal ko bhigoya karta hoon
Tab yaad tumhein main karta hoon !!
