Ham to saya tera ban jayein agar tu chahe
Ya kabhi bhi na nazar aayein agar tu chahe
Tu jo chahe to sar-e-aam karein ehd-e-wafa
Yunhi duniya se guzar jayein agar tu chahe
Tujh se milne mein to janaa teri ruswayi hai
Ham teri yaad se mil aayein agar tu chahe
Tu jo kah de to pukaarein sar-e-bazaar tujhe
ajnabi ban ke guzar jayein agar tu chahe
Zindagi kar lein agar teri ijazat mil jaye
Teri chaukhat pe hi mar jayein agar tu chahe
Tu jo chahe to zamane ke sitam yunhi sahein
Saari duniya se bhi takraayein agar tu chahe
Tujhey choom loon meri Vandana chehra lekar
Ham tujhe tujh se bhi milwayein agar tu chahe
