Loading

Kyon Yeh Mausam Itna Haseen Ho Chala Hai



Beetey Lamhe Kyon Har Pal Yaad Aate Hain
Yaad Aa Aa Kar Phir Humein Kyon Is Tarah Sataate Hain

Kyon Ek Insaan Ek Aisi Chhaap Chhod Jaata Hai
Jo Chah Kar Bhi Yeh Dil Mita Nahi Paata Hai

Kyon Yeh Aansu Thamne Ka Naam Nahi Lete
Us Ajnabi Ki Raah Ko Takte Hain Rahte

Kyon Yeh Dil Bas Ek Zid Kare Baitha Hai
Us Sangdil Ke Pyar Ki Aas Lagaye Baitha Hai



Kyon Yeh Mausam Itna Haseen Ho Chala Hai
Pal Pal Saath Bitaye Lamho Ka Saaz Ched Chala Hai

Kyon Is Dard Se Har Pal Meri Jaan Chali Jaati Hai
Har Dhadkan Ek Hi Fariyaad Kare Jaati Hai

Kyon Pyar Mein Dard Ka Saath Zaroor Milta Hai
Ankhein Band To Jannat, Khulne Par Khaakh Hi Milta Hai

Kyon Zameer Kisi Ka Awaaz Nahi Deta
Kisi Ke Matam Pe Khushiya Hai Saja Deta

Kyon Tanhaiyan Is Mod Pe Raas Nahi Aati
Ujaale Ke Lauv Se Andheron Mein Hain Le Aati

Kyon Is Dil Ke Tootne Par Koi Awaaz Nahi Hai
Ya Zamana Shayad Aaj Bahra Ho Chala Hai

Kyon Is Dil Ki Dastak Aaj Ansuni Ho Gayi
Woh Chalta Chala Gaya, Aur Main Yahi Rah Gaya..